«Liverpul»ning to'rtinchi himoyachisi jarohat oldi

«Liverpul» himoyachisi Endryu Robertson Shotlandiya terma jamoasi tarkibida jarohat oldi. Shotlandiyalik futbolchi Serbiyaga qarshi bo'lib o'tgan o'yinda tizza orti payini jarohatlab oldi. Uning jarohati qay darajada jiddiy ekani hozircha ma'lum emas.

Shu tariqa, «Liverpul» klubining jarohat olgan himoyachilari soni 4taga etdi. Avvalroq Trent Aleksander-Arnold, Virjil van Deyk va Jo Gomes jarohat sababli safdan chiqqan edilar. Ayniqsa, mersisaydliklar van Deyk va Gomes uzoq vaqtga yo'qotishdi.