FIFA «Liverpul»ga 2 mln funt to'lab beradi

«Liverpul» himoyachisi Jo Gomes jarohat olgani uchun FIFA kompensatsiya sifatida 2 million funt sterling to'lab berishga rozi bo'ldi.

23 yoshli futbolchi Angliya terma jamoasining mashg'uloti paytida jarohatlandi. Matbuotda aytilishicha, Gomesning jarohati jiddiy va u mavsumning katta qismini o'tkazib yuboradi. Avvalroq «Liverpul» boshqa markaziy himoyachi Virjil van Deykni uzoq vaqtga yo'qotgan edi.

"Daily Mail" tarqatgan xabarga ko'ra, haftalik maoshi 80 ming funtga teng bo'lgan futbolchining maoshini qoplab berish maqsadida «Liverpul»ga 2 mln funt o'tkazib beradi.

Manbada aytilishicha, Angliya terma jamoasining boshqa o'yinchilari FIFAning o'yinchilarni himoyalash dasturi doirasida sug'urtalangan. Unga ko'ra, o'yinchi terma jamoa safida jarohat olsa, FIFA sug'urta pulini to'lab beradi.