Modji A Seriyada kim chempion bo'lishini taxmin qildi

Turinning «Yuventus» klubi sobiq direktori Luchano Modji joriy mavsum Italiyada kim chempion bo'lishi mumkinligi haqida fikr bildirdi.

«Napoli» Skudetto uchun jiddiy nomzod sanaladi. Jennaro Gattuzo shogirdlarining kuchlarini albatta kamsitmaslik kerak. O'ylaymanki, aynan neapolliklar Italiyaning top klublarida orasida o'z kuchlariga ishonishadi.

Odatda favoritlar «Yuventus» va «Inter» klublari sanaladi, biroq, ular hali o'z iqtidorlarini namoyish eta olishmadi. «Keksa Sinora» endi Andrea Pirlo qo'l ostida o'z futbolini namoyish etishga harakat qilishmoqda. «Neradzurilar»ning kuchi esa Romelu Lukakuning harakatlariga bog'liq», — dedi Luchano Modji.