Desham: "Frantsiya hamon buyuk terma jamoa ekanligini isbotladik"

Frantsiya terma jamoasi bosh murabbiyi Dide Desham Portugaliya (1:0) ustidan Millatlar Ligasida qo'lga kiritilgan g'alaba haqidagi fikrlari bilan o'rtoqlashdi.

- Haqli ravishda g'alaba qozondik. Biz juda xursandmiz, chunki maqsadimizga erishdik va guruhda birinchi o'rinni egalladik. Futbolchilarim bilan faxrlanaman. Bugun biz Frantsiya — hamon buyuk terma jamoa ekanligini isbotladik. Bugungi raqibimizning kuchidan kelib chiqib aytadigan bo'lsak, shubhasiz bugungi bahs bizning so'nggi paytlardagi o'yinlarimiz orasidagi eng yaxshisi bo'ldi. O'z kuchini namoyish eta olgan jamoam uchun xursandman, — dedi Desham UEFA rasmiy saytiga.