Ramos Buffoning rekordini yangiladi

Ispaniya terma jamoasi himoyachisi Serxio Ramos Millatlar Ligasi doirasida Shveytsariyaga qarshi kechgan o'yinda (1:1) maydonga tushdi.

Bu Ramos uchun terma jamoa libosidagi 177-o'yin bo'ldi.

Shu tariqa u Evropa futbolchilari orasida terma jamoa safida eng ko'p o'yin o'tkazgan Janluji Buffoning rekordini (176) yangiladi.

Bundan tashqari jahon rekordigacha Ramosda 7 ta o'yin qoldi. Bu rekord Misr terma jamoasi sobiq futbolchisi Ahmad Hassanga tegishli — 184.