O'rtoqlik o'yinlari. J.Koreya 5 ta gol urilgan o'yinda Meksikaga yutqazdi, S.Arabistonidan yirik hisobdagi g'alaba

Xalqaro maydonda 14 noyabr, shanba kuni bir qator o'rtoqlik uchrashuvlari o'tkazildi.

JCh—2022 saralashida O'zbekiston bilan bir guruhdan joy olgan Saudiya Arabistoni terma jamoasi Yamaykaga qarshi bahs yuritdi va yirik hisobdagi g'alabani qo'lga kiritdi. Uchrashuvning 10-daqiqasida Salim ad-Dovsari penaltini ijro etdi, uning dastlabki zarbasini darvozabon bartaraf etdi, qaytgan to'pga birinchi bo'lib etib kelgan hujumchi to'pni darvozaga joylab qo'ydi.

Birinchi bo'lim yakunlanishi arafasida Solih ash-Shehri mezbonlarning ikkinchi golini urgan bo'lsa, 77-daqiqada Firas Albirakan hisobni yirik ko'rinish oldirdi.

Yana bir o'rtoqlik bahsi Meksika va Janubiy Koreya terma jamoalari o'rtasida kechdi. Dastlab koreyaliklar 21-daqiqada oldinga o'tib oldi: Son Hyon Minning uzatmasini Hvan I Jo darvozaga joyladi.

Ikkinchi bo'limning o'rtalariga kelib meksikaliklar to'rt daqiqada ichida uchta gol urgan holda vaziyatni o'ngladi. Bunga Osiyo vakillari so'nggi daqiqalarda Kvon Kyun Vonning goli bilan javob qaytardi.

O'rtoqlik o'yinlari
14 noyabr, shanba
Saudiya Arabistoni — Yamayka 3:0
Gollar: 1:0 – 10 ad-Dovsari, 2:0 – 44 ash-Shehri, 3:0 – 77 Albirakan.

Meksika — Janubiy Koreya 3:2
Gollar: 0:1 – 21 Hvan I Jo, 1:1 – 67 Ximenes, 2:1 – 69 Antuna, 3:1 – 71 Salsedo, 3:2 – 88 Kvon Kyun Von.