Diyor Imomxo'jaev: «Alisher Nikimbaev kabi inson bilan ishlashni xohlamayman»
/ Kiritdi: BestMaster Ko'rilgan: 2420
Professional futbol Ligasi (PFL) bosh direktori vazifasini bajaruvchi Diyor Imomxo'jaev «Sport-TV» telekanalida bo'lib o'tgan jonli muloqotda hozirda Qatarda faoliyat yuritayotgan Alisher Nikimbaev haqidagi fikrlari bilan o'rtoqlashdi.
Muxlislardan biri tomonidan yo'llangan savol qo'yidagicha bo'ldi: «Alisher Nikimbaev ijtimoiy tarmoqlar orqali sizni va tashkilotingizni to'xtovsiz tanqid qilib keladi. Bunga munosabatingiz qanday? U bilan birga ishlash haqida o'ylaganmisiz?»
"Agar Nikimbaev yaxshi tanqidchi bo'lsa, u holda O'FAni ham tanqid qilishni o'rgansin. U bilan birga ishlashni maqsad qilgandim. Umid Ahmadjonov (O'FA sobiq prezidenti) meni ishga olgan vaqtda uning oldiga uch marta kirganman va Alisher Nikimbaevni ishga taklif qilishni so'raganman. U bilan yaxshi aloqada bo'lganmiz.
Umid Ahmadjonov shunday degan: «Istagan mutaxassisni olib keling, biroq bu masalani ortiq ko'tarmang». Keyinchalik bu fikr to'g'ri ekanini tushunib etdim. Mirabror Usmonov ham shu fikrda bo'lgan yoki boshqa mutaxassislarni olaylik. Hech qaysisi bir-biriga o'xshamaydigan insonlarning u kishi haqidagi fikri bir xil. Keyinchalik bu fikr menda ham shakllandi.
Uning tanqidlari faqat menga nisbatan qilinayotganini bilaman, biroq men shaxs uchun kurashmayman. Tizim uchun kurashaman, uni yaxshilashga harakat qilaman. Unday insonlarsiz ham futbolni yangi bosqichga olib chiqishga kuchimiz ham, qurbimiz ham etadi. Men unday inson bilan hech qachon ishlashni xohlamayman!", — dedi Diyor Imomxo'jaev.
Ma'lumot uchun, Nikimbaev o'zining ijtimoiy sahifalari orqali bir necha bor PFL chiqarayotgan qarorlar va tashkilotning ish faoliyatiga oid jihatlarni tanqid ostiga olgan. O'z navbatida Imomxo'jaev ularning ayrimlariga o'z munosabatini bildirib kelgan.
Bosh sahifaga
280
