Maradonaning o'g'li koronavirusga chalindi

Argentinalik futbol afsonasi Diego Maradonaning o'g'li Diego Armando Junior koronavirus yuqtirishi oqibatida og'ir ahvolga tushib qoldi va Neapoldagi shifoxonaga joylashtirildi. Bu haqda "Football-Italia" xabar tarqatdi.

34 yoshli erkak yuqori harorat va yo'tal bilan shifoxonaga olib kelindi. 5 noyabr kuni u koronavirusga topshirgan test musbat natija bergan edi. Shundan so'ng uning ahvoli og'irlashib bordi.

Hozir u reanimatsiya bo'limida emas, ehtiyot yuzasidan shifokorlar nazoratida bo'lib turibdi.