A Seriya prezidenti: «Vaziyat juda jiddiy»

A Seriya prezidenti Paolo dal Pino koronavirus pandemiyasi natijasida ligaga etkazilgan moliyaviy yo'qotishlarni baholadi.

«Chempionatning tiklanishi katta muvaffaqiyat bo'ldi. Vaziyat juda jiddiy. Fevral oyidan dekabr oyigacha A Seriya 600 million evro zarar ko'radi, ularning 400 million chiptalar savdosida, yana 200 million evro homiylik shartnomalaridan.

Shu bilan birga COVID 19 bizning biznes modelimizni o'zgartirish uchun imkoniyat bo'lishi mumkin, hatto bunday vaziyatda biznesni modernizatsiya qilish qiyin bo'lsa-da.

Xususiy kapital mablag'lari muhokamasi pandemiya oldidan boshlangan edi, endi biz muzokaralarning yakuniy bosqichida turibmiz.

Maqsad - A Seriyaning uzoq muddatli iqtisodiy barqarorligi uchun ularni boshqarish qobiliyatlaridan foydalanish», – dedi dal Pino.