"Liverpul: posboni "Qalbimning istagi — "Internasonal"ga qaytish"

Braziliya terma jamoasi va Angliyaning "Liverpul" klubi darvozaboni Alisson kelajakda o'z yurtiga qaytish niyatida ekanligini yashirmadi.

— Albatta Braziliyaga qaytish niyatim bor, lekin bu qachon amalga oshishini bilmayman. Qlbimning xohishi — "Internasonal"ga qaytish. Hech qachon uzoq muddatli rejalar tuzmaganman. Orzular bor edi, lekin hozirda bor e'tiborimni bugungi kunimga qaratganman. Imkon qadar yuqori saviyada o'yin namoyish etmoqchiman, — dedi Alisson Globoesporte bilan suhbatda.