«Dinamo» - «Neftchi»: 58 yillik raqiblarning 48-to'qnashuvi

Pro liga 16-turining markaziy uchrashuvi Samarqandda «Dinamo» va «Neftchi» o'rtasida kechadi. Superliga aksariyat uchrashuvlardan-da qiziqarli va shiddatli o'tishi kutilayotgan ushbu bahs jamoalarning O'zbekiston chempionatlari tarixidagi o'zaro 48-to'qnashuvidir. Samarqand va Farg'ona viloyatining bosh jamoalari o'rtasidagi qarama-qarshilik oldidan o'yin prevyusini keltiramiz.

1-bosqichda qanday natija qayd etilgan?
Ushbu jamoalarning birinchi davradagi uchrashuvi Farg'onada o'tgan bo'lib, unda mezbonlar minimal hisobda (1:0) g'alaba qozongan. Mansur Saidovning uzatmasidan keyin Jamshid Qobulovning yagona goli «Neftchi»ga g'alaba keltirgan edi. 2-davrada ham Farg'ona klubi Samarqanddan 0:1 hisobidagi kichik g'alaba bilan qaytgandi.

O'zaro o'yinlar tarixi: Ustunlik kimda?

1960 yilda tashkil topgan «Dinamo» jamoasi va 1962 yilda tashkil etilgan «Neftchi» jamoasi sobiq Ittifoq chempionatlaridadan tashqari Oliy Liga tarixida ham o'zaro 47 marta kuch sinashishgan.

Natijalar “Neftchi”ning kattagina ustunligini ko'rsatmoqda. Farg'onaliklar 47 bahsning 32 tasida g'alaba qozonishgan. Aksariyat g'alabalar “Neftchi”ning ko'p yillik ustozi Yuriy Sarkisyan davriga to'g'ri keladi. 12 uchrashuvda “Dinamo”ning qo'li baland kelgan. Uchta o'yinda esa durang qayd etilgan.

To'plar nisbati ham tabiiyki “Neftchi” foydasiga 87-40. O'zaro o'inlarda “Neftchi” 99 ochoni qo'lga kiritgan bo'lsa, “Dinamo” 39 ochkoga ega bo'lgan.

Samarqandda o'tgan so'nggi 8 uchrashuv:
25.09.2020  «Dinamo» - «Neftchi» 0:1
08.11.2017  «Dinamo» - «Neftchi» 1:0
09.23.2015  «Dinamo» - «Neftchi» 0:1
17.10.2014  «Dinamo» - «Neftchi» 0:0
08.11.2013  «Dinamo» - «Neftchi» 2:0
17.11.2012  «Dinamo» - «Neftchi» 2:0
09.09.2011  «Dinamo» - «Neftchi» 2:0
15.05.2010  «Dinamo» - «Neftchi» 3:1

O'zaro o'yinlar haqida fakt:
“Dinamo” o'z uyida bu raqibga qarshi bo'lib o'tgan o'yinlarda 10 marta zafar quchgan. Bir marta durang qayd etilgan. 13ta uchrashuvda “Neftchi” Samarqandda g'olib bo'lgan. Oxirgi 9ta o'yinda “Neftchi” safarda «Dinamo» darvozasiga 3ta gol urgan.

O'yin anonsi va translyatsiya
Samarqanddagi markaziy uchrashuvni Futbol TV telekanali jonli efirda namoyish etishi rejalashtirilgan.

Pro liga. 16-tur.
10 noyabr (seshanba)
«Dinamo» - «Neftchi»
Samarqand, Dinamo stadioni.
Chipta narxi: 10 ming so'm
Uchrashuv boshlanish vaqti: 14:00
TV-translyatsiya: FutbolTV

«Dinamo» klubi matbuot xizmati.