"Inter" yozda Agueroni o'z safiga qo'shib olishga harakat qiladi

Calciomercato portalining tarqatgan ma'lumotiga qaraganda, Italiyaning "Inter" klubi kelasi yilning yozida jamoaga "Manchester Siti" hujumchisi Serxio Agueroni olib kelmoqchi.

Argentinalik hujumchining kelasi yili yozda "shaharliklar" bilan shartnomasi yakunlanadi, shu sababli u erkin agentga aylanadi.

Shu sababli, "neradzurrilar" uni tekinga qo'lga kiritish niyatida. To'g'ri, Aguero balki "Manchester Siti" bilan shartnomasini uzaytirar yoki Argentinaning "Independente" klubiga qaytar.