Roy Kin: «Uoker – g'irt ahmoq»

Angliyaning "Manchester Yunayted" klubi sobiq futbolchisi Roy Kin "Manchester Siti" himoyachisi Kayl Uoker "Liverpul"ga qarshi uchrashuvda o'z jarima ichida o'yin qoidasini buzgan vaziyat haqida fikr bildirdi.

Kayl Uoker o'z jarima maydonchasi ichida Sadio Manega nisbatan qo'pollik qildi va buning natijasida penalti belgilandi. 11 metrli jarima to'pini esa Saloh aniq amalga oshirdi.

«Odamlar Uokerni yaxshi o'ynaydi deyishadi, lekin men bunday deb o'ylamayman. Uning yoshi 30da, terma jamoada o'ynaydi, shu sababli bunday ahmoqona xatolarga yo'l qo'yishni bas qilishi kerak. «Liverpul»ga qarshi o'yinda u ahmoqlarcha o'ynadi, chunki himoyachi o'z jarima maydonchasi ichida tank kabi zarba berishi uchun g'irt ahmoq bo'lishi kerak.

Umuman olganda menda «Manchester Siti» futbolchilariga e'tiroz yo'q, faqatgina Uokerga bor», — dedi Roy Kin.