"Liverpul" himoyachisi qancha muddatga safdan chiqdi?

Angliyaning «Liverpul» klubi bosh murabbiyi Yurgen Klopp APL doirasida «Manchester Siti» (1:1) klubiga qarshi bo'lib o'tgan uchrashuvdan so'ng, jamoa himoyachisi Trent Aleksander-Arnold jarohat olganini aytib o'tdi.

Trent «shaharliklar»ga qarshi uchrashuvda jarohat oldi va o'yining 63-daqiqasida zahiraga olindi.

«U terma jamoa ixtiyoriga bormaydi. Ertaga u tibbiy ko'rikdan o'tadi va shundan keyin nima bo'lganini ko'ramiz. Aniq ayta olamanki, u noyabr oyida o'ynamaydi», – dedi Klopp.

Angliya terma jamoasi 12 noyabr kuni Irlandiya terma jamoasiga qarshi o'rtoqlik uchrashuvini o'tkazsa, 15 va 18 noyabr kunlari Belgiya hamda Islandiya terma jamoalariga qarshi Millatlar Ligasida o'ynaydi.