Gvardiola: "Terma jamoalarga ketadigan futbolchilarimiz sog' qaytishi uchun ibodat qilamiz"

Angliyaning «Manchester Siti» klubi bosh murabbiyi Pep Gvardiola turli xil terma jamoalarga ketayotgan futbolchilaridan xavotirda.

«To'g'risini atyganda, men bu haqda o'ylashni xohlamayman. Hammaning diqqat-markazida turgan «Liverpul»ga qarshi o'yinimizdan keyin men dam olmoqchiman.

O'z terma jamoalariga ketayotgan 13-14 nafar futbolchilarimizning sog' qaytib kelishlari uchun ibodatda bo'lamiz.

Lekin, ayni paytda bu haqda ham o'ylash niyatida emasman. Chunki, buni oldini olishni imkoni yo'q», – dedi Gvardiola.

Eslatib o'tamiz, terma jamoalarning oktyabr oyidagi o'yinlari Kevin de Bryuyne Belgiya terma jamoasidan jarohat bilan qaytdi va «Manchester Siti»ning bir nechta o'yinlarini o'tkazib yubordi.