"Milan" ustozi: "Bu mag'lubiyat biz uchun dars bo'lishi kerak"

Italiyaning "Milan" klubi bosh murabbiyi Stefano Pioli Evropa Ligasining 3-tur doirasida Frantsiyaning "Lill" (0:3) klubidan qabul qilib olingan mag'lubiyat haqida o'z fikrlarini bildirdi.

"Biz kuchli jamoaga qarshi duch keldik va o'zimiz o'z hayotimizni qiyinlashtirib oldik. O'yinni yomon boshlamagandik, hujumda biz ko'proq xavfliroq ko'rinish beramiz deb o'ylagandim, biroq biz etarlicha vaziyatlarni sodir eta olmadik. Bunday kuchli jamoaga qarshi o'yinda biz oldinga o'tsak ular uchun ko'p zonalar ochildi va ular shu orqali tashabbusni o'z qo'llariga olishdi.

Biz har doimgidek o'zimizning salbiy va ijobiy tomonlarimizga baho beramiz. Uzoq vaqtdan beri birinchi marta o'yinimizda negativlik kuzatildi. "Milan" o'zida emasdi va xatolarga yo'l qo'ydi, "Lill" esa bunday xatolarni kechirib o'tiradigan jamoa emas.

Men ushbu jamoaning murabbiyiman, jamoa mening qo'l ostimda shug'ullandim va ishontirib ayta olamanki, biz hech kimning mehnatini qadrlamay qo'ymadik. Shuningdek, biz to'g'ri xulosa chiqarishni unutmadik. Bu biz uchun dars va shu o'yindan xulosa chiqarib olishimiz kerak", — dedi Pioli Sky Sport Italia bilan suhbatda.