UEFA prezidenti FIFAdan to'pning qo'lga tegishi bilan bog'liq qoidani o'zgartirishni so'radi

UEFA prezidenti Aleksander Cheferin FIFA prezidenti Janni Infantinoga murojaat qilib, to'pning qo'lga tegishi bilan bog'liq qoidaga o'zgartirish kiritishni so'radi. Bu haqda "Associated Press" xabar tarqatdi.

«To'pning qo'lga tegishi bilan bog'liq qoidabuzarlikni qoidalarda aniq yozishga urinish ko'plab adolatsizlik qarorlarga olib keldi. Futbol ommasi buni yaxshi qabul qilmadi. O'yin ruhiyati hamisha saqlanib turishi kerak. Shuning uchun avvalgi qoidaga qaytish kerak. Bunda qo'lning istalgan qismi bilan gol urish imkonini bermaydigan qoida bilan to'ldirish kerak. Buni inobatga olish kerak.

To'p o'yinda ko'p marta tasodifan qo'lga tegadi. Bunday vaziyatdan qochib qutulishning imkoni yo'q. Buning uchun jamoa jazolanmasligi kerak. Oqibatda o'yin bir necha qismlarga bo'linib ketadi», — deyiladi Cheferin tomonidan FIFAga yo'llangan murojaatda.