EChL. «Manchester Yunayted» Istanbulda yutqazdi, «Zenit» so'nggi daqiqalarda g'alabani qo'ldan chiqardi

Evropa Chempionlar Ligasining 3-turidan o'rin olgan ikki o'yin 4 noyabr, chorshanba kuni bo'lib o'tdi.

«Manchester Yunayted» jamoasi safarda «Istanbul Bashakshehir»ga qarshi bahs olib bordi. Uchrashuvning 13-daqiqasida Demba Ba istanbulliklarning qarshi hujumini muvaffaqiyatli yakunlagan holda hisobni ochdi. 40-daqiqada Edin Vishcha maydon egalarining ikkinchi golini muallif bo'ldi.

Bunga mehmonlar birinchi bo'limda Antoni Marsyalning goli bilan javob qaytardi. Ikkinchi bo'limda ustunlik «Manchester Yunayted» tomonida bo'ldi, ayniqsa, Ole-Gunnar Sulsher shogirdlari so'nggi daqiqalarda raqib darvozasi oldida kuchli bosimni yuzaga keltirdi. Biroq o'yin yakuniga qadar hisob boshqa o'zgarmadi.

Yana bir o'yin «Zenit» va «Latsio» jamoalari o'rtasida kechdi. Uchrashuvning 32-daqiqasida Aleksandr Eroxin mezbonlarni oldinga olib chiqdi. Bunga rimliklar 82-daqiqada Felipe Kaysedoning goli bilan javob qaytardi.

EChL, 3-tur
4 noyabr, chorshanba
«Istanbul Bashakshehir» Turkiya — «Manchester Yunayted» Angliya 2:1
Gollar: 1:0 – 12 Ba, 2:0 – 40 Vishcha, 2:1 – 43 Marsyal.
«Istanbul»: Gyunok, Rafael, Shkrtel, Bolingoli-Mbombo, Epuryanu, Qahveji (Karlush Ponk, 90), Vishcha, O'zjan (Topal, 87), Aleksich, Tyuryuch, Ba (Gulbrandsen, 80).
«Manchester Yunayted»: Henderson, Uan-Bissaka (Fosu-Mensa, 76), Shou, Tuanzebe (Maktominey, 46), Maguayr, Matich, Brunu Fernandesh, Mata (Kavani, 61), van de Bek (Pogba, 61), Reshford (Grinvud, 76), Marsyal.
Ogohlantirishlar: Tuanzebe (20), Shkrtel (89).

«Zenit» Rossiya — «Latsio» Italiya 1:1
Gollar: 1:0 – 32 Eroxin, 1:1 – 82 Kaysedo.
Zenit – Kerjakov, Rakitskiy, Duglas Santos, Lovren, Jirkov (Krugovoy, 78), Barrios, Kuzyaev (Vendel, 90), Eroxin (Mostovoy, 61), Ozdoev (Sutormin, 90), Karavaev, Dzyuba.
Latsio – Reyna, Gabarron, Xudt, Acherbi, Marushich, Parolo (Kataldi, 52), Milinkovich-Savich, Fares (Pereyra, 59), Akpa-Akpro, Korrea (Luis Felipe, 85), Muriki (Kaysedo, 59).
Ogohlantirishlar: Akpa-Akpro (4), Kuzyaev (7), Milinkovich-Savich (59), Kaysedo (77), Barrios (78), Lovren (85), Reyna (85), Krugovoy (86).

Manba: daryo.uz