Simeone: «Rossiya futbolining himoyasi hamma vaqt yaxshi ishlagan»

Madridning «Atletiko» klubi bosh murabbiyi Diego Simeone EChLning 3-tur doirasida «Lokomotiv» klubi bilan qayd etilgan durang haqidagi fikrlarini bildirdi.

«Penalti bormidi? To'g'risini aytsam, ko'rmadim. Agar VAR shunday qarorga keldimi, demak penalti bor. Jamoa yaxshi o'ynadi, qanotlardan foydalandi, shuningdek, maydon markazi ham hujumlarni rivojlantirishga yordam berdi. Afsuski, ikkinchi golni kirita olmadik. Ishlashda davom etamiz.

«Lokomotiv» tarkibida darvozabonni alohida ko'rsatgan bo'lardim. U juda yaxshi seyvlarni amalga oshirdi. «Lokomotiv» qarshi hujumlardan foydalandi, xuddi «Zaltsburg» bilan bo'lgan o'yindagi kabi. Rossiya futbolining himoyasi hamma vaqt yaxshi ishlab kelgan. «Lokomotiv» ochko olish uchun bor kuchini ishga soldi», - dedi Diego.