«Bavariya» ustozi: «Bunday uchrashuvlar muxlislar uchun qiziqarli, lekin murabbiylar uchun aksincha»

Myunxenning «Bavariya» klubi bosh murabbiyi Xans-Diter Flik EChL doirasida «Zaltsburg» (6:2) klubiga qarshi bo'lib o'tgan o'yindan keyingi fikrlari bilan o'rtoqlashdi.

«Zaltsburg» biz tasavvur qilganimizdek o'ynadi. To'pni egallab olishlari bilan zudlik bilan oldinga tashlanishdi, juda yaxshi harakatlarni amalga oshirishdi va himoyachilarimizga etarlicha muammolarni tug'dirishdi. Bir necha marta ular bizni "ushlab" olishdi. Lekin shunga qaramasdan biz qanday kuchga ega ekanligimizni hisobda aks ettirdik.

Bu muxlislar uchun yuqori saviyali o'yin bo'ldi, lekin murabbiylar uchun esa aksincha. Shu bilan yashashimiz kerak. Hisob 2:2 bo'lganidan keyin biz o'yinga qaytdik va yakunda hisobni o'z foydamizga og'dirdik», – dedi Flik.