Inzagi «Zenit» bilan bo'ladigan o'yin haqida fikr bildirdi

Rimning «Latsio» klubi bosh murabbiyi Simone Indzagi EChLning 3-turida Rossiyaning "Zenit" klubiga qarshi bo'lib o'tadigan uchrashuv haqidagi fikrlari bilan o'rtoqlashdi.

«Oldimizda qanday o'yin turganini juda yaxshi bilamiz. Uchrashuvni 20 ming nafar muxlis kuzatishi kutilmoqda, ammo, "Zenit"ga qarshi bo'lib o'tadigan ikkita uchrashuv keyingi bosqichga chiqish masalasini hal qilishini hisobga olgan holda, o'z o'yinimizni ko'rsatishimiz kerak.

A Seriya o'yinlari bo'sh tribunalarda bo'lib o'tmoqda, Belgiya stadionlari ham muxlislar uchun yopiq, lekin ertangi uchrashuvni 20 ming muxlis kuzatadi. O'ylaymanki, bu mening shogirdlarim uchun katta yordam va dalda bo'ladi», – dedi Indzagi.