"Zenit" ham "Latsio"ga qarshi o'yindan oldin tarkibda muammolarga duch keldi

Rossiyaning «Zenit» klubi bosh murabbiyi Sergey Semak EChLning 3-tur doirasida «Latsio» klubiga qarshi bo'lib o'tadigan o'yin oldidan tarkibda muammolar borligini aytib o'tdi.

«Artyom Dzyuba maydonga tushishi mumkin. Azmun esa yakka tartibda shug'ullanmoqda, lekin maydonga tushish uchun tayyor emas. Driussi ham, Malkom ham maydonga tusha olmaydi. Musaev ham jarohat olgan. Chistyakov EChL uchun ro'yxatdan o'tkazilmagan. Yuqori aytib o'tilgan futbolchilar ertaga bizga yordam bera olmaydi" - dedi Semak.

«Zenit» — «Latsio» jamoalari o'rtasidagi uchrashuv 4 noyabr kuni Toshkent vaqti bilan soat 22:55da boshlanadi.