«Aston Villa» o'z futbolchisini «MYu»ga sotmoqchi emas

Sky Sports nashrining tarqatgan ma'lumotiga qaraganda, Angliyaning «Aston Villa» klubi jamoa sardori Jek Grilishni o'z tarkibida saqlab qolmoqchi.

25 yoshli angliyalik futbolchiga «Manchester Yunayted» klubi faol qiziqish bildirmoqda. Futbolchining xizmatiga «qizil iblislar» bosh murabbiyi Ole-Gunnar Sulsherning shaxsan o'zi qiziqish bildirmoqda.

Shuningdek, xabarda yozilishicha, Grilishga «Everton» klubi tomonidan ham qiziqish bor.

Joriy mavsumda Grilish jamoaning 6 ta uchrashuvda maydonga tushib, 4 ta gol kiritdi va 4 ta golga assistentlik qildi.