Infantino: "O'zimni yaxshi his qilyapman, lekin hali asoratlari bor"

Avvalroq koronavirusga chalingan FIFA prezidenti Janni Infantino o'zining sog'ligi haqida fikr bildirdi.

Infantino koronavirusga chalingani 27 oktyabr kuni ma'lum bo'ldi. U hozirgacha karantinda qolmoqda.

"O'zimni yaxshi his qilyapman, lekin kichik alomatlar hali ham bor. So'nggi kunlarda menga juda ko'p xabarlar va elektron pochta xabarlari keldi va barcha qo'llab-quvvatlaganlarga chin qalbimdan minnatdorchilik bildirmoqchiman. Sizga chin yurakdan rahmat", - Infantinoning so'zlaridan iqtibos keltirmoqda FIFA matbuot xizmati.