Rasman: «Arsenal» bosh murabbiyi o'zgardi

Tulaning «Arsenal» klubi rahbariyati jamoa bosh murabbiyi Sergey Podpaliyning muvaffaqiyatsiz natijalariga toqat qilib o'tirishni xohlamadi va uni egallab turgan lavozimidan ozod qildi. Uning o'rniga esa jamoani qutqaruvchi vazifasiga Dmitriy Parfyonovni taklif qilishdi. Parfyonov bugun jamoaning yangi bosh murabbiyi sifatida rasman tanishtirildi.

Bungacha esa Parfyonov «Tosno» va «Ural» klublarini boshqargan. "Tosno" jamoasi bilan 2017/2018 yilgi mavsumda u Rossiya Kubogini qo'lga kiritgan.

Keyin esa «Ural» jamoasida bir yarim yil ishladi va jamoani Rossiya Kubogi finaligacha olib chiqdi. Biroq, u joriy mavsum boshlanishi arafasida egallab turgan lavozimidan ozod qilingandi.