"Inter" himoyachisi mashg'ulotlarga qaytdi

Italiyaning "Inter" klubi markaziy himoyachisi Milan Shkrinyar koronavirusni engib, jamoaning umumiy mashg'ulotlariga qaytdi.

Futbolchi koronavirus kasalligini Slovakiya terma jamoasi ixtiyorida yuqtirib olgandi. Endilikda u ushbu infektsiyani to'liq engib o'tdi va jamoaning mashg'ulotlaridagi ishtirokini boshladi.

Taxminlarga ko'ra, Shkrinyar Madridda "Real" klubiga qarshi EChLning 3-turida bo'lib o'tadigan uchrashuvda katta ehtimol bilan ishtirok etadi.