«Atalanta» ustozi «Liverpul»ga qarshi o'yin haqida: «Futbolda har doim ham kuchlilar yutavermaydi»

Italiyaning «Atalanta» klubi bosh murabbiyi Jan Pero Gasperini «Liverpul» ustozi Yurgen Klopp tomonidan bildirilgan maqtovlar haqida o'z fikrini bildirdi.

«Bu juda katta maqtov. Bu barcha murabbiylar uchun nimalarga qodir bo'lganligi va yillar mobaynida qilgan mehnati uchun yoqimli so'zlardir. Shubhasiz, bu so'zlar o'yinga katta intriga bag'ishlaydi.

Biz maqtash shart bo'lmagan dunyoning eng kuchli klublaridan biriga qarshi o'ynaymiz. Ularga qarshi o'ynash - biz uchun katta obro'. Faqatgina bu uchrashuv muxlislarsiz bo'lishi odamni hafa qilishi mumkin.

Biz kabi «Liverpul» ham hujumkor o'yin namoyish etadi. Ular to'pni nazorat qilishni va himoyada tartibli o'yin namoyish etishni yoqtiradi. Bu hujumkor o'yin namoyish etadigan jamoalar uchun juda muhim.

Biz uchun «Liverpul»ga qarshi bo'ladigan ikkita uchrashuv muhim ahamiyatga ega. Biz guruhning eng kuchli klubi bilan o'ynaymiz. «Ayaks»dan o'tishimiz uchun ushbu o'yinlarda kerakli ochkolarni qo'lga kiritishimiz kerak.

Biz chempionatda foydali bo'lgan tajriba ortirdik. Bugungi kunda futbolda faqat kuchlilar g'alaba qozonmayapti, hatto kuchsiz bo'lsang ham kerakli natijalarga erishishing mumkin. Aynan mana shu narsani biz isbotlab berishimizga umid qilamiz», – dedi Gasperini.