«Manchester Yunayted» 48 yillik antirekordini takrorladi

«Manchester Yunayted» Premer Liga 7-turi doirasidagi bahsda «Arsenal»ga imkoniyatni boy berdi (0:1).

Ole-Gunnar Sulsher qo'l ostidagi jamoa chempionatda mavsum startidagi 4 ta uy o'yinining birortasida ham g'alaba qozona olmadi — 3 mag'lubiyat, bir durang.

«Manchester Yunayted» 1972/73 yilgi mavsumdan beri ilk bor dastlabki to'rtta uy o'yinida g'alaba qozona olmadi. O'shanda jamoa mavsum yakunida 18-o'rinda qayd etilgandi.

Ayni vaqtda «Manchester Yunayted» 15-o'rinda bormoqda.