Hikmat Ergashev: «Paxtakor»ning har bir zarbasi golga aylandi»

AGMK jamoasi yordamchi murabbiyi Hikmat Ergashev "Paxtakor"ga qarshi bo'lib o'tgan o'yin (0:6) borasida o'z fikrini bildirib o'tdi.

"Paxtakor" kuchli jamoa, shu tufayli ham bugungi bahsda beshta himoyachi bilan maydonga tushdik. Gol o'tkazib yuborganimizdan keyin taktikani o'zgartirib, to'rtta himoyachi bilan o'yinni davom ettirdik. "Paxtakor"ning har bir zarbasi gol bilan yakunlandi, bu erda darvozabonni ham ayblash qiyin. Ular bilan ochiq futbol o'ynab bo'lmaydi. Bugun chiroyli o'yin ko'rsatish va g'alaba qozonish uchun harakat qilgandik. Ammo o'xshamadi. Raqibni g'alaba bilan tabriklayman", — dedi Ergashev.

Manba: www.fc-agmk.uz