A seriya. «Latsio» o'yinga qo'shib berilgan 5 va 7-daqiqalarda gol urib, g'alabani ilib ketdi

Italiya chempionatining 6-turi doirasida Turindagi «Olimpiko di Torino» stadionida bo'lib o'tgan o'yin dramatizm janriga mos tushdi.

"Latsio" "Torino"ga qarshi o'yinda hisobni ochdiyu, ammo keyinchalik ortda qola boshladi. Xususan, uchrashuvning 87-daqiqasida turinliklar Lukichning goli evaziga hisobni 3:2 ko'rinishiga keltirishdi. Ammo ikkinchi bo'limga qo'shib berilgan daqiqalarning beshinchi o'tib borayotganida Immobile penaltidan hisobni tenglashtirgan bo'lsa, oradan 2 daqiqa o'tib esa Kaysedo "Latsio"ga g'alaba keltiruvchi gol muallifiga aylandi.

Rimliklar bugungi g'alabadan so'ng o'z ochkolarini 10taga etkazib, jadvalda 7-pog'onaga ko'tarildi.

Italiya A seriyasi, 6-tur
Torino – Latsio 3:4 (2:1, 1:3)
Gollar: 0:1 – 15 Pereyra, 1:1 – 19 Bremer, 2:1 – 25, penalti Belotti, 2:2 – 48 Milinkovich-Savich, 3:2 – 87 Lukich, 3:3 – 90+5, penalti Immobile, 3:4 – 90+7 Kaysedo.
Torino – Sirigu, Voynovich, Bremer, Voyvoda (Singo, 70), Rodriges, Rinkon, Meyte, Lukich, Linetti, Verdi (Nkulu, 71), Belotti (Bonatstsoli, 77).
Latsio – Reyna, Xudt, Acherbi, Luis Felipe, Gabarron, Pereyra (Akpa-Akpro, 46), Fares (Kataldi, 81), Milinkovich-Savich, Parolo (Leyva, 46), Korrea (Kaysedo, 73), Muriki (Immobile, 56).
Ogohlantirishlar: Pereyra (44), Xudt (86), Immobile (88), Nkulu (90), Rinkon (90), Kaysedo (90).

Manba: www.stadion.uz.