Simeone: "Uning o'yinida barqarorlik paydo bo'ldi"

Madridning "Atletiko" klubi bosh murabbiyi Diego Simeone La Liganing 7-turidan o'rin olgan "Osasuna"ga qarshi o'yindan keyin quyidagi fikrlarni bildirib o'tdi. 

"Raqib ko'p bo'sh zonalar yaratib qo'ydi va bizda avvalgi o'yinlarga qaraganda ko'proq gol urish imkoniyati paydo bo'ldi. Biz yaxshi hujum qildik va himoyalandik. 

Felishning dubli? U o'tgan mavsumda juda ko'p narsalarni boshdan kechirdi, uning jarohati bor edi. Endi Joauning o'yinida barqarorlik bor. O'tgan mavsum uning uchun o'tish davri bo'ldi. 

Qolgan futbolchilar ham bugun yaxshi o'ynashdi, masalan, Ermoso. Shuningdek, men Vitolo va Erreraning o'yinidan ham qoniqdim. Bugun biz Saul, Karrasko va Suaressiz o'ynishimizga to'g'ri kelgandi, biroq amalladik", -dedi murabbiy.