Gvardiola: «APLga beshta futbolchi almashtirish qoidasini qaytarish kerak»

Angliyaning «Manchester Siti» klubi bosh murabbiyi Pep Gvardiola APLga beshta futbolchi almashtirish qoidasini qaytarish kerakmi degan savolga javob berdi.

«Ha, 100 foiz qaytarish kerak. Gap faqatgina bitta klub haqida ketmayapti.

Premer-ligada o'tgan mavsumga qaraganda, bu yil mushaklardan jarohat olish 47 foizga ko'paygan. Bularning barchasi tayyorgarlikning kamligi va o'yinlari sonining ko'pligi uchun.

Barcha ligalarda – Germaniya, Ispaniya va boshqa davlatlarda beshtadan futbolchi almashtirish qoidasi saqlanib qoldi. Bu futbolchilarni jarohatdan himoyalanishiga yordam beradi.

Umid qilamanki, liga rahbariyati ushbu masalani ko'rib chiqadi va dunyoning boshqa ligalaridek besh nafardan futbolchi almashtirishga ruxsar beradi, chunki biz koronavirus bilan bog'liq vaziyatga ko'nikishimiz kerak», – dedi Gvardiola.