Zidan - Azar haqida: "U o'zini yaxshi his qilmoqda"

Madridning «Real» klubi bosh murabbiyi Zinedin Zidan jamoa yarim himoyachisi Eden Azar haqida fikr bildirdi.

«Unda hammasi joyida, bundan juda xursandmiz. Eden har kuni mashg'ulotlarda yaxshi ishtirok etmoqda, u o'zini qulay his qilmoqda. Jarohat olganingizda, maydonga tushmaganingizda va jamoadoshlaringiz bilan birga bo'lmaganingizda juda qiyin bo'lishi mumkin.

Har bir futbolchi maydonda bo'lishni va zavq olishni xohlaydi. Hozir barchasi ijobiy ko'rinmoqda, u qaytdi, lekin jarohat olib safdan chiqqan boshqa futbolchilar bor. Umid qilamanki, yaqinda barchamiz birga bo'lamiz.

Oldimizda ko'plab uchrashuvlar bor, g'oyamiz Azarni maydonga qaytarish. Qanday ro'y berishini kuzatamiz, chunki u o'zini yaxshi his qilishi muhim. Asosiysi – tayyor bo'lishi kerak, chunki bizni juda ko'plab uchrashuvlar kutib turibdi», – dedi Zidan.