Arteta: «Old Trafford»dan uch ochko bilan qaytmoqchimiz»

Londonning «Arsenal» klubi bosh murabbiyi APL doirasida «Manchester Yunayted» klubiga qarshi bo'lib o'tadigan uchrashuv haqida fikr bildirdi.

Mikel Arteta APLning 7-turi doirasida «qizil iblislar»ga qarshi bo'ladigan uchrashuvda o'z shogirdlari oldiga qanday vazifa qo'ymoqchi ekanligini yashirmadi.

«O'z maydonimizda «Lester» klubiga imkoniyatni boy berib qo'yishimiz biroz og'riqli bo'ldi. Bu biz kutgan natija emasdi. Ayniqsa, qanday qilib mag'lub bo'lganimizni bizni xafa qildi.

Ushbu mag'lubiyatga futbolchilar o'zgacha munosabatda bo'lishdi va Evropa Ligasida «Dandolk» klubini mag'lub etdik. Endi oldimizda «Old Trafford»da bo'lib o'tadigan uchrashuv turibdi va ushbu o'yinda «Manchester Yunayted» ustidan g'alaba qozonib, uch ochkoni qo'lga kiritmoqchimiz", — dedi Mikel Arteta.