Prevyu. 22-tur. «Nasaf» – “Qo'qon-1912“

«Ajdarlar» Superliganing 22-turida Qo'qonning “Qo'qon-1912“ jamoasini qabul qiladi. Ushbu bahs 31-oktyabr kuni Qarshidagi «Markaziy» stadionida bo'lib o'tadi. Bellashuv soat 17:00 da boshlanadi.

«Qo'qon»-1912 jamoasi vakillarimizning eng yaqin ta'qibchilaridan biri hisoblanadi. Hozirda mehmonlar Olmaliqning AGMK jamoasidan so'ng turnir jadvalida 38 ochko to'plagan holda 4 o'rin band etishgan.

O'zaro uchrashuvlar tarixidan

Jamoalar O'zbekiston chempionatida shu vaqtga qadar 23 bor kuch sinashishgan. Bo'lib o'tgan 14 uchrashuvda «ajdarlar», 5 o'yinda esa qo'qonliklar zafar quchishgan. 4 uchrashuvda esa durang natija qayd etilgan.

To'plar nisbati 42:24 ga teng. Ustunlik vakillarimiz tarafida.

O'zaro uchrashuvlarda qayd etilgan eng yuqori hisoblar quyidagicha: «Nasaf» – “Qo'qon-1912“ 4:0, “Qo'qon-1912“ – «Nasaf» 3:0.

Jamoalar so'nggi o'zaro uchrashuvni 2020 yili 14-iyul kuni Qo'qonda o'tkazgan. Bu uchrashuv 2:2 hisobida yakunlangan.

E'tiboringizga, jamoalar ishtirokidagi so'nggi besh uchrashuvning natijalarini havola qilamiz:

14.07.2020 Qo'qon-1912 — Nasaf 2:2

27.08.2019 Qo'qon-1912 — Nasaf 1:0

18.05.2019 Nasaf — Qo'qon-1912 2:0

01.11.2018 Nasaf — Qo'qon-1912 1:1

13.09.2018 Qo'qon-1912 — Nasaf 1:1