O'zbekiston velosiped sporti va Triatlon federatsiyalari o'rtasida doimiy hamkorlik memorandumi imzolandi

Bugun O'zbekiston Milliy olimpiya qo'mitasida O'zbekiston velosiped sporti va Triatlon federatsiyalari o'rtasida doimiy hamkorlikni yo'lga qo'yish bo'yicha memorandum imzolandi.

Mazkur tadbirda O'zbekiston velosiped sporti federatsiyasi bosh kotibi Kozim O'rinboyxujaev, O'zbekiston Triatlon federatsiyasi bosh kotibi Elena Kun, milliy terma jamoa trenerlari, shuningdek , OAV vakillari ishtirok etishdi.

Ta'kidlash joizki, ushbu memorandumni imzolashdan asosiy maqsad har ikki sport turida selektsiya ishlarini kuchaytirish, iqtidorli yoshlarni terma jamoaga saralash va jalb qilish, o'zaro manfaatli rivojlantirish bo'yicha yo'l xaritasini birgalikda tayyorlash, qo'shma mashg'ulot bazasini yaratish masalasini ko'rib chiqish, tematik xalqaro seminarlar, simpoziumlar, konferentsiyalar, ko'rgazmalar o'tkazish, qo'shma o'quv-mashg'ulot yig'inlarini tashkil etishdir.