Frantsiya kubogi qachongacha to'xtatilgani ma'lum. Milliy chempionat esa tomoshabinlarsiz o'tkaziladi

Frantsiya futbol federatsiyasi koronavirus pandemiyasi sababli bir qator futbol musobaqalari to'xtatilishini e'lon qildi.

1-dekabrga qadar Frantsiya kubogi, 3-diviziondan quyi ligalar o'rtasidagi barcha musobaqalar va Frantsiya ayollar chempionatining ikkinchi divizioni to'xtatildi. Milliy chempionat uchrashuvlari tomoshabinlarsiz o'tkaziladi.

29-oktyabrdan boshlab Frantsiyada Prezident Emmanuel Makronning ko'rsatmasi bilan umumiy izolyatsiya rejimi joriy etildi.

Eslatib o'tamiz, o'tgan kun davomida mamlakatda koronavirus infektsiyasining 36 437 yangi kasalligi qayd etildi.