«Leyptsig» ustozi: «Ertangi o'yinda «MYu» ustidan g'alaba qozonsak bo'ladi»

Germaniyaning «Leyptsig» klubi bosh murabbiyi Yulian Nagelsmann EChL doirasida«Manchester Yunayted» klubiga qarshi bo'lib o'tadigan uchrashuv haqidagi fikrlari bilan o'rtoqlashdi.

«O'ylaymanki, «MYu» mavsumni yaxshi boshlay olmadi, lekin so'nggi o'yinlarda ular o'z yo'llarini topib olishdi. Bilamiz, ular kuchli jamoa, ularni mag'lub etish qiyin, ayniqsa hujum chizig'ida. Biz ehtiyotkor bo'lishimiz va ularga bo'sh zonalarni bermasligimiz kerak.

Agar biz shunday pallalarda tajovuzkor o'yin namoyish etsak, u holda ertangi o'yinning g'alabasi haqida xotirjam gaplashishimiz mumkin.

Biz o'zimizga ishonamiz. Barcha musobaqalarda mavsumni ishonchli boshladik va shuning uchun ertangi o'yinda g'alaba qozonsak bo'ladi», – dedi Nagelsmann.