Marko van Basten: "Van de Beek "MYu"ga o'tib xato qildi"

Niderlandiya terma jamoasi sobiq hujumchisi Marko van Bastenning fikricha, hamyurti Donni van de Bek "Manchester Yunayted" klubiga o'tib xato qilgan.

— Bilaman, u avvalgiga qaraganda hozir ko'proq maosh ishlab topyapti. Ammo, eng yaxshi futbolchi sifatida tanqidiy munosabatda bo'lish va yangi jamoa bilan shartnoma imzolashdan oldin o'z imkoniyatlarini chamalab ko'rish kerak. Donni "Manchester Yunayted" klubiga o'tmasligi kerak edi, u xato qildi. Yaxshi futbolchi har xafta maydonga tushishni xohlaydi. U kabi futbolchiga mavsum boshidan beri shu kungacha atigi 6-7 o'yinda ishtirok etish juda yomon natija. U eng yaxshi istiqbolni kutishi kerak edi, — van Bastenning so'zlaridan iqtibos keltirmoqda Sky Sports.