EChL. "Bryugge"ga qarshi o'yindan oldin "Latsio"da tarkib borasida jiddiy muammo bor

Rimning "Latsio" klubi EChL doirasida Belgiyaning "Bryugge" klubiga qarshi o'yindan oldin tarkib borasida jiddiy muammoga duch kelishi mumkin. Chunki, "Latsio"ning o'yinoldin mashg'ulotlarda sakkiz nafar futbolchi qatnashmadi.

TMW portalining yozishiga qaraganda, o'yinoldi mashg'ulotlarda Luis Alberto, Andreas Pereyra, Lukas Leyva, Manuel Latstsari, Danilo Kataldi, Luiz Felipe, Toma Strakosha va Chiro Immobilelar ishtirok etishmagan.

Mahalliy OAVning yozishiga qaraganda, "Latsio"ning ushbu futbolchilarida koronavirus aniqlangan, lekin klub bu ma'lumotni hali tasdiqlagani yo'q.