Superliga. "Andijon" – "Qizilqum" o'yinida hisob ochilmadi

O'zbekiston chempionatining 21-turi doirasida "Andijon" o'z uyida "Qizilqum"ni qabul qildi. Uchrashuv hozirgina yakuniga etdi.

Butun o'yin davomida hududiy ustunlik navoiylik tomonida bo'lgan bo'lsa, mezbonlar asosan ishonchli himoyalanishdi. Ba'zi vaziyatlarda esa "Andijon" posboni Eldor Adhamov o'z jamoasini goldan qutqardi.

Natijada uchrashuvda hisob ochilmadi va har ikki jamoa o'z hisobiga bir ochkodan qo'shib qo'yishdi. "Andijon"ning ochkolari 13taga, "Qizilqum"niki esa 19taga etdi.

Superliga. 21-tur
"Andijon" – "Qizilqum" - 0:0
"Andijon": Eldor Adhamov, Azamat Isroilov, Farhod Mirahmatov, Xushnud Avilov, Baxtiyor Qosimov, Farhod Bekmuratov, Siroj Meliev (Asilbek Azizov, 88), Abdulloh Olimov (Nodir Mavlonov,72), Usmonali Ismonaliev, Muhammad Yo'ldoshev, Shahboz Jumaboev (Jamshid Homidov, 72).
"Qizilqum": Ignatiy Nesterov, Vladislav Kasminin, Erkin Baydullaev, Oybek Qilichev, Ruslan Margiev, Alisher Sanoev, Salim Mustafoev, Sherali Jo'raev (Fayzullo Qambarov, 46), Oleg Tolmasov, Jamshid Hasanov (Jasur Azimov, 64), Sherzod Qodirov (Ibrohim Tomiva, 52).
Hakamlar: Firdavs Norsafarov, Sanjar Shoyusupov, Alisher Usmonov, Ahmadjon Ergashev
Nazoratchi: Rashid Aytekov
Komissar: Jahongir Rahmatullaev