Maradona: «Angliya terma jamoasiga yana gol urishni istayman, bu safar o'ng qo'l bilan»

Argentina terma jamoasi sobiq futbolchisi Diego Maradona JCh-1986 chorak final bosqichida Angliyaga urgan golini yodga oldi.

«Angliya terma jamoasiga yana gol urishni istayman, bu safar o'ng qo'l bilan», – dedi Maradona "France Football" nashriga bergan intervyusida.

Ma'lumot o'rnida. Angliyaga qarshi o'yinning 51-daqiqasida Maradona havodagi to'p uchun kurashda darvozabonga nisbatan ilgariroq harakat qilib, chap qo'li bilan darvozaga gol urgan edi. Referi esa buni payqamadi, o'yinchi bosh bilan gol urdi, deya hisoblab, golni inobatga oldi.

Argentina terma jamoasi Mundial-1986da g'olib chiqqan bo'lsa, Maradona esa musobaqaning eng yaxshi o'yinchisi deb topilgan.