A seriya. «Yuventus» Ronaldusiz ikkinchi o'yinda ochko yo'qotdi (videosharh)

Italiya chempionatining 5-turi doirasida «Yuventus» o'z maydonida «Verona»ni qabul qildi.

Butun o'yin davomida tashabbus turinliklar tomonida bo'ldi, ular raqib darvozasi oldida ko'plab xavfli vaziyatlarni yaratishdi. Ammo mehmonlar darvozaboni Silvestrinig ishonchli o'yini Pirlo jamoasini muhim ochkolardan mahrum qildi.  

Uchrashuvning 60-daqiqasida "Verona" standart vaziyatdan hisobni ochdi. Jarimadan etkazilgan uzatmani Favilli raqib darvozasiga joylab qo'ydi. Zaxiradan mayonga tushgan Kulusevski o'yin tugashiga 12 daqiqa qolganida hisobni tenglashtirishga muvaffaq bo'ldi.

Qogan daqiqalarda "Verona" mardonavor himoyalandi va bir ochkoni qo'lga kiritdi. "Yuventus" esa Ronaldusiz harakat qilgan ketma-ket ikkinchi o'yinda ochko yo'qotdi. "Keksa sinora" beshinchi turdan keyin 9 ochko bilan jadvalda 5-o'rinni egallab turibdi.

Italiya chempionati, 5-tur
Yuventus – Verona 1:1 (0:0, 1:1)
Gollar: 0:1 – 60 Favilli, 1:1 – 77 Kulusevski.
Yuventus – Shchensnii, Demiral, Bonuchchi (Frabotta, 75), Danilo, Kuadrado, Artur, Rabo, Bernardeski (Kulusevski, 61), Remzi (Vrioni, 90), Dibala, Morata.
Verona – Silvestri, Chekkerini (Manyani, 55), Lovato, Alan Emperor, Faraoni, Ronaldu Vieyra, Tamez (Ilich, 51), Lazovich, Kolli, Kalinich (Favilli, 55; Barak, 62), Dzakkani.
Ogohlantirishlar: Ronaldu Vieyra (39), Lazovich (57), Alan Emperor (69), Kulusevski (90), Faraoni (90).

Manba: www.stadion.uz.