Belarus chempionati. O'zbekistonlik futbolchilar to'qnashuvida «Shaxtyor Soligorsk» qiyin g'alabaga erishdi
/ Kiritdi: BestMaster Ko'rilgan: 416
Belarus chempionatining 27-turida «Energetik BGU» va «Shaxtyor» jamoalari 25 oktyabr, yakshanba kuni o'zaro bahs yuritdi.
Uchrashuvning 6-daqiqasidayoq mehmonlar Yuriy Kendishning golidan keyin oldinga o'tib oldi. 32-daqiqada Dmitriy Podstrelov soligorskliklarning ikkinchi golini urdi.
Ikkinchi bo'limda maydon egalari Evgeniy Yudchitsning penaltidan urgan golidan keyin hisobni qisqartirdi. Qayd etish kerak, «Shaxtyor» ikkinchi bo'limda juda yomon harakat qildi. So'nggi daqiqalarda Soligorsk jamoasi hisobni ushlab qolishga o'ynadi va buning uddasidan chiqdi.
Mazkur bahsda har ikki jamoa safida o'zbekistonlik futbolchilar harakat qildi. Shahboz Umarov to'liq harakat qilgan bo'lsa, Humoyunmirzo Iminov va Jasur Yaxshiboev zaxiraga olindi.
«Shaxtyor» 49 ochko bilan ikkinchi o'rinda ketmoqda, bitta zaxira o'yiniga ega «konchilar» peshqadamdan 5 ochko ortda bormoqda. «Talabalar» (35) 9-o'ringa joylashgan.
Belarus chempionati, 27-tur bahsi
25 oktyabr, yakshanba
«Energetik BGU» — «Shaxtyor Soligorsk» 1:2
Gollar: 1:0 – 6 Kendish, 2:0 – 32 Podstrelov, 1:2 – 61, penalti Yudchits.
«Energetik BGU»: Makavchik, Yudchits, Shkurdyuk, Svirepa, Sokol, Mavatu, Sovpel, Musaxanyan, Iminov (Arno, 56), Umarov, Bakich.
«Shaxtyor Soligorsk»: Gutor, Balanovich, Begunov, Xadarkevich, Antich, Ivanovich, Selyava, Kendish, Yaxshiboev (Santos, 72), Kabananga.
Ogohlantirishlar: Kabananga (80), Ivanovich (84), Arno (86).