Jaloliddinov: "Inzagi bilan bir-birimizni tushunmasdik, chunki, italyan tilini bilmasdim!"

Huquqiy jihatdan Moskvaning "Lokomotiv" klubiga tegishli, ayni paytda faoliyatini «Tambov» klubida ijara asosida o'tkazayotgan hamyurtimiz Jasurbek Jaloliddinov Italiyaning «Benevento» klubiga o'tishga yaqin kelganini ochiqlad. Jasurni italiyalik skautlar kuzatgandi, hatto u jamoa bosh murabbiyi Filippo Indzagi ham yoqqandi. Biroq, ushbu bitim koronavirus pandemiyasi sababli amalga oshmay qolgandi.

«Ko'rikdan o'tganimdan so'ng (2019 yilning qishida, - tahririyat) «Benevento» klubi meni 18 yoshga to'lishimni kutishi kerak edi. Tug'ilgan kunim 15 mayda, chempionat yakunida ular yakuniy javobni aytishadigan bo'lgandi. Biroq, pandemiya boshlanib ketdi.

Biz «Benevento» rahbariyati bilan aloqa ushlab turdik, biroq, bizga chempionat restarini kutib turishimizni aytishdi, keyin esa chempionat yakunlanishini. Keyin klub yosh futbolchilarga ishonadimi yoki tajribali o'yinchilarga tayanadimi, shuni bilishimiz kerak edi. Gap shundaki, agar Italiyada bizda rad javob aytishganida men O'zbekistonda qolgan bo'lardi. Kelajak borasida tavakkal qilishni xohlamadim, shuning uchun «Lokomotiv»ni tanladim.

«Benevento» ko'rigida Filippo Indzagi qiziqayotganini his qildim. Mashg'ulotlar jarayonida u doim yonimga kelardi va nimalardir derdi. Muammo shunda ediki, men italyancha tilni tushunmasdim! Qaerda o'ynash kerakligini, nimalar qilishim kerakligi qo'llari yordamida ko'rsatardi, men esa u nimalarni talab qilayotganini aniq anglay olmasdim. Albatta, murabbiyning ko'rsatmalarini bajarishga harakat qildim, ammo, muloqotimiz idaeldan ko'ra ancha yiroq ekanligini unga ham aniq bo'ldi», - dedi Jaloliddinov.

«Benevento» A Seriya doirasida «Napoli» klubiga qarshi o'ynaydi.