"Liverpul" van Deyk o'rniga Bundesligadan himoyachi topdi

Germaniya matbuotining tarqatgan ma'lumotiga qaraganda, Angliyaning «Liverpul» klubi «Shalke» himoyachisi Ozan Kabakka qiziqish bildirmoqda.

Ozan Kabak «Shalke» tarkibida 2019 yildan beri o'ynab kelmoqda. Ungacha esa «Shtutgart» va «Galatasaray» klublarida to'p surgan.

Xabarda aytilishicha, Yurgen Klopp yanvar oyida markaziy himoyachi sotib olmoqchi, shu sababli, "mersisaydliklar" rahbariyati Kabakning variantini ko'rib chiqmoqda.

Biroq, «Shalke» Turkiya terma jamoasi futbolchisi uchun 30 million funt talab qilmoqda.