"Chelsi" futbolchisi yozda "Arsenal"ga o'tishga tayyor edi

Londonning "Chelsi" klubi yarim himoyachisi Jorjino yozgi transfer bozorida "Arsenal" klubidan tushadigan taklifga tayyor turganini tan oldi. Biroq, yakunda "Arsenal" "Atletiko" yarim himoyachisi Tomas Partini sotib olishni ma'qul topgandi.

- Har bir futbolchi muzokaralar olib borish uchun doim tayyor deb hisoblayman. Bilaman, potentsial transfer haqida gaplashgan. Yakunda men "Chelsi"da qoladigan bo'ldim. Endi mening fikrim butunlay "ko'klar" bilan va oldimizda turgan mavsumda yaxshi natija qayd etish uchun mehnat qilamiz.

Jamoamiz yozgi transfer bozorida juda faol ishladi. Yangi kelgan futbolchilar iqtidorli sanaladi va shubhasiz ular jamoamizga yordam berishadi.

Qachonki futbolchilar o'rtasida mana shunday yuqori raqobat yuzaga kelsa, u holda jamoa saviyasi oshadi, qachonki klubning saviyasi oshsa, jamoa boshqa raqiblar bilan bemalol raqobatlasha oladigan bo'ladi, - Jorjinoning so'zlaridan iqtibos keltirmoqda Goal.com.