Stefano Pioli: "Milan"da hamma bir xil yo'nalishda ishlaydi"

Italiyaning "Milan" klubi bosh murabbiyi Stefano Pioli Evropa Ligasi doirasida "Seltik" (3:1) klubi ustidan qozonilgan g'alaba haqidagi fikrlari bilan o'rtoqlashdi.

— Ikkinchi bo'limda texnik tomondan biroz sustlashib, ko'proq tavakkal qilgan bo'lsak-da, o'yinni yaxshi o'tkazdik. Biz uchun derbida uzoq kutilgan g'alabdan keyin kam emotsiya va motivatsiya ko'rsatadigan oddiy jamoa emasligimizni ko'rsatishimiz juda muhim edi. Buning siri nimada? Barchamiz bir xil yo'nalishda ishlayapmiz: klub, texnik personal va futbolchilar. Bu jarayonda barchamiz ishtirok etyapmiz, — Piolining so'zlaridan iqtibos keltirmoqda Goal.com.