Xames Rodriges APLning navbatdagi o'yinini o'tkazib yuboradi

Angliyaning «Everton» klubi bosh murabbiyi Karlo Anchelottining aytishiga qaraganda, jamoa yarim himoyachisi Xames Rodriges APLning 6-tur doirasida «Sautgempton» klubiga qarshi bo'ladigan o'yinni o'tkazib yuboradi.

«Afsuski, Xames «Liverpul» klubiga qarshi o'yinda muammoga duch keldi. U o'yin boshida Virdjil van Deyk bilan to'qnashib ketdi. O'ylaymanki, Xames «Sautgempton»ga qarshi bo'ladigan o'yinda maydonga tusha olmaydi, – dedi Anchelotti Everton TV bilan suhbatda.