Superliga. "Qo'qon-1912" safarda "Mash'al"ni mag'lub etdi

O'zbekiston Superligasining 20-turidan o'rin olgan "Masha'l" va "Qo'qon-1912" jamoalari o'rtasidagi o'yin yakunlandi.

Dastlabki daqiqadanoq olg'a intilgan "shunqorlar" jarima zarbasi tepish huquqiga ega bo'lishdi. Muhammadanas Hasanovning aniq va kuchli zarbasini mezbonlar posboni qiyinchilik bilan egallab oldi.

Bugun diskvalifikatsiya sabab, mehmonlar safida Shohnazar Norbekov, Oybek Rustamov hamda Iqbol Malikjonovlar jamoasiga yordam bera olishmadi. Birinchi bo'lim davomida har ikki jamoada hisobni ochish uchun yaxshi imkoniyatlar vujudga kelganiga qaramay, tanaffusga jamoalar nursiz durang bilan chiqib ketishdi.

Ikkinchi bo'limni mezbonlar faol tarzda boshlashlariga qaramay, hisobni ochish mehmonlarga nasib etdi.

52-daqiqada Muhammadanas Hasanov raqib himoyachisining xatosidan unumli foydalanib raqib darvozasini ishg'ol etdi. Goldan ruhlangan "Qo'qon-1912" hisobni oshirish uchun yaxshi imkoniyatga ega bo'lishdi. 

84-daqiqaga kelib maydon egalari hisobni tenglashtirishdi. Xumoyun Murtozoev boshi bilan darvozani ishg'ol qildi. Ushbu vaziyatda himoyachilar Murtozoevni biroz ko'zdan qochirishdi va bundan "qaldirg'ochlar" o'yinchisi unumli foydalandi.

87-daqiqada raqiblarimiz o'z jarima maydonchalari ichida Avazxon Mamatxo'jaevga nisbatan qo'pollik ishlatishdi. Ushbu qoida buzarlik uchun hakam penalti belgiladi. Penaltini esa Murod Xolmuhammedov har doimgidek aniq amalga oshirdi.

Superliga, 20-tur.

"Mash'al" - "Qo'qon-1912"

Gollar: Xumoyun Murtozoev (84). Muhammadanas Xasanov (52), Murod Xolmuhammedov (88 pen)

"Mash'al": 35. Rahimjon Davronov, 5. Najmiddin Normurodov, 7. Ifeani Ifeani (6. Sirojiddin Rahmatullaev, 46), 10. Sherzod Temirov, 11. Mo'minjon Meliev (29. Humoyun Murtozaev, 56), 17. Jamoliddin Ubaydullaev (77. Ibrohim No''monov, 46), 18. Abbos Shodmonov, 19. Sardor Abduraimov, 22. Sirojiddin Qo'ziev, 33. Denis Vasilev, 99. Jahongir Abdusalomov (14. Ella Ken Arman, 62).

"Qo'qon-1912": 21. Muzaffar Abdullaev, 3. Boburjon Akbarov, 9.Suhrob Berdiev, 10. Quvondiq Ro'ziev, 14. Avaz Mamatxo'jaev (13. Sardor Azimov, 90+2), 22. Muhammadanas Hasanov (19. Hamidullo Abduhamidov, 80), 23. Aleksandr Merzlyakov, 33. Ivan Yosovich, 69. Filip Rayevats (5. Jasur Yoqubov, 80), 70. Murod Xolmuhammedov, 91. Yakuba Bamba (4. Sobit Sindarov, 61).